Lo 16 de deceme a l'Ostau de la Region Aquitània à Bordèu, lo Congrès permanent de la lenga occitana qu'estó aviat oficiaument en preséncias de representants deu Ministèri de la Cultura e de la comunicacion, de l'Academia de Bordèu, de las regions Aquitània, Mieidia-Pirenèus, Lengadòc-Rosselhon e Ròse Aups, de Francés Boya Alós - senator espanhòu e ancian sindic d'Aran - e d'Andres Urrutia - president d'Euskaltzaindia Academia reiau de la lenga basca.
Lire la suite de : Aviada oficiau deu Congres permanent de la lenga occitana
Au parat de l’amassada plenèra deu 24 d’octobre passat, la region Aquitània qu’a adoptat la Carta de cooperacion interregionau e transfrontalèra de desvelopament de la lenga occitana. Lo conselhèr regionau d’Aquitània David Grosclaude que ns’assabenta « d’ua purmèra dens l’istòria de la politica lingüistica entà la lenga occitana ».
Lo 22 de junh l'APORLÒC que participè a ua amassada de tribalh a Tolosa on estón definits los entins a viéner de l'organisme de regulacion linguistica. Qu'èran presents Gilabèrt Mercadièr (President de l'APORLÒC), Daidièr Agar (IPR occitan rectorat de Tolosa), Guilhèm Latruvèrsa (Conselhèr regionau Mieidia-Pirenèus encargat de l'occitan), Felip Hammel (director deu Cirdòc), Sèrgi Javaloyès (director de l'InÒc Aquitània), Laurenç Gosset (director de l'IEO), Benaset Dazeàs (encargat de mission APORLÒC), Maurici Romieu e Jacme Taupiac (lingüistas).